"Dandolk" komandası İrlandiya Premyer Divizionunda XXVII tur matçına çıxıb.
Sportnet.az-ın məlumatına görə, "Qarabağ"ın Çempionlar Liqasının II təsnifat mərhələsindəki rəqibi "Sent Patriks"in qonağı olub. Görüş "Dandolk"un qələbəsi ilə yekunlaşıb - 1:0. Yeganə qolu 52-ci dəqiqədə Con Mauntni vurub. "Sent Patriks"in futbolçusu Maykl Drennan 87-ci dəqiqədə ikinci sarı vərəqə alaraq, meydandan qovulub.
Qeyd edək ki, "Dandolk" "Qarabağ"la ilk oyunda 1:1 hesablı heç-heçəyə nail olub. Cavab görüşü iyulun 31-də "Dalğa Arena"da keçiriləcək.
