"Neftçi" və "Zirə" komandaları Azərbaycan Premyer Liqası tarixində 18-ci dəfə üz-üzə gələcək.
Sportnet.az-ın məlumatına görə, bu, milli komandaların oyunları ilə əlaqədar fasilə başa çatdıqdan sonra - VIII tura təsadüf edəcək.
İlk dəfə 2015/2016 mövsümündə görüşən rəqiblər 17 dəfə üz-üzə gəlib. Bu matçların birinin nəticəsi (2:2) ləğv edilib və “qartallar”a texniki qələbə verilib. Qarşılaşmaların yarısından çoxunda – 9 dəfə qələbə qazanan “Zirə” 5 görüşdə meydandan bir xalla ayrılıb. Yalnız üç dəfə uduzan komanda top fərqində də öndədir. Texniki nəticənin nəzərə alınmadığı qol sayında 21 dəfə rəqib qapısına yol tapan “qartallar” 15 top buraxıb.
“Zirə”nin bu matçlardakı qollarına 14 futbolçu imza atıb. Onlar arasında ən yaxşı bombardir Luis Alberto Diezdir. O, “Neftçi”nin qapısına üç qol vurub. Nelson Bonilla, Riçard Qadze, Vüsal İsgəndərli və Mfo Kqasvanenin hərəsinin hesabında iki top var.
9-cu dəfə “Neftçi”nin qonağı olacaq "Zirə" səfər matçlarında da üstünlüyə malikdir. 3 qələbə qazanıb, 4 heç-heçə edən “qartallar” yalnız bir dəfə rəqib meydanından xalsız ayrılıb. Bu görüşlərdə 11 dəfə fərqlənin qəsəbə futbolçuları 10 qol buraxıblar. “Zirə” səfərdəki son 6 qarşılaşmada meydanı qolsuz tərk etməyib.
Qeyd edək ki, “Neftçi” - “Zirə” oyunu oktyabrın 20-də “Bakcell Arena”da keçiriləcək.
