Azərbaycan Premyer Liqasında XII turun daha bir oyunu keçirilib.
Sportnet.az-ın məlumatına görə, günün günün yeganə matçında "Səbail" "Sabah"ı qəbul edib. "ASCO Arena"da təşkil olunmuş qarşılaşma "Sabah"ın 3:1 hesablı qələbəsi ilə yekunlaşıb.
77-ci dəqiqədə qonaqların futbolçusu Məqsəd İsayev avtoqol müəllifi olub. Cnah ötürməsindən sonra Aqşin Qurbanlıya mane olmaq istədiyi vaxt top İsayevin başına dəyərək, tora daxil olub.
86-cı dəqiqədə meydan sahiblərinin müdafiəçisi Adil Nağıyev ikinci sarı vərəqəni alaraq, meydandan qovulub. "Sabah" say üstünlüyündən layiqincə yararlanmağı bacarıb. İkinci hissənin sonlarında oyuna girən Ulis Diallo 87-ci dəqiqədə bərabərlik qolunu vurub. 90-cı dəqiqədə o, əks-hücumu qolla tamamlayaraq, "dubl" edib. Matçda son nöqtəni isə 90+7-ci dəqiqədə Hendrik Ekşteyn qoyub.
Bu nəticədən sonra 13-cu xalını qazanan "Sabah" beşinci pilləyə yüksəlib. "Səbail" isə 11 xalla 6-cı yerə enib. Aftandil Hacıyevin rəhbərlik etdiyi komandanın qələbəsiz oyunlar seriyası 8-ə çatıb.
Qeyd edək ki, turun ilk oyununda "Qarabağ" səfərdə "Sumqayıt"a 1:2 hesabı ilə uduzub. XII tura sabah keçiriləcək "Neftçi" - "Qəbələ" və "Zirə" - "Keşlə" matçları ilə yekun vurulacaq.
----------------------------------------
Bu gün futbol üzrə Azərbaycan Premyer Liqasında XII turun daha bir oyunu keçiriləcək.
Sportnet.az-ın məlumatına görə, turun növbəti günündə də bir oyun baş tutacaq. "Səbail" "Sabah"ı qəbul edəcək. Meydan sahibləri 11 xalla 5-6-cı yerləri bölüşdürür. Qonaqlar isə bir xal az toplayıb və 7-cı pillədə qərarlaşıb.
Komandalar arasında birinci dövrədəki martç "Sabah"ın 3:0 hesablı qələbəsi ilə yekunlaşıb. Ümumiyyətlə Premyer Liqadakı beş dueldə hər klub iki dəfə üç xal qazanmağa nail olub. Meydan sahibləri son iki matçda 3 qol buraxıb və xal qazanmayıb. Əvəzində "Sabah" səfərdəki heç bir çempionat oyununda qol vura bilməyib.
Azərbaycan Premyer Liqası, XII tur
23 noyabr
15:00. “Səbail” – “Sabah” - 1:3
Qollar: Məqsəd İsayev, 77 (öz qapısına) - Ulis Diallo, 87; 90. Hendrik Ekşteyn, 90+7
Sarı vərəqələr: Urfan Abbasov, 26 (qeyri-idman hərəkəti); Elçin Rəhimli, 27 (qeyri-idman hərəkəti); Adil Nağıyev, 49 (hakimin qərarına etiraz), 86 (qeyri-idman hərəkəti) - Şakir Seyidov, 45+1 (qeyri-idman hərəkəti); Saşa Stamenkoviç, 54 (qeyri-idman hərəkəti)
Qırmızı vərəqə: Adil Nağıyev
Artırılan vaxt: I hissədə 3 dəq.; II hissədə 6 dəq.
“Səbail”: 1. Aleksandr Rıbka 7. Fəhmin Muradbəyli (18. Aqşin Qurbanlı, 54) 17. Elçin Rəhimli (19. Ruslan Hacıyev, 90+1) 5. Vüqar Bəybalayev 14. Rahid Əmirquliyev (k) (88. Orxan Qurbanlı, 83) 34. Urfan Abbasov 55. Adil Nağıyev 9. Mirsahib Abbasov 8. Yevgeni Koçuk 21. Eriko da Silva 3. Turan Manafov
Ehtiyat oyunçular: 85. Kamal Bayramov 4. Eltun Yaqublu 13. Şəhriyar Rəhimov 32. Elvin Yunuszadə 77. Ədilxan Qarəhmədov
Baş məşqçi: Aftandil Hacıyev
“Sabah”: 1. Saşa Stamenkoviç (k) 5. Kərim Diniyev 22. Məqsəd İsayev 10. Cavid İmamverdiyev 19. Təmkin Xəlilzadə (13. Filip İvanoviç, 87) 17. Məhəmməd Mirzəbəyov 4. Bəhlul Mustafazadə 27. Hendrik Ekşteyn 21. Rocer Roxas (9. Ulis Diallo, 82) 26. Ozan Can Kökcü 11. Şakir Seyidov (7. Coşqun Diniyev, 84)
Ehtiyat oyunçular: 71. Dmitro Bezruk 6. Vadim Abdullayev 99. Abbas Ağazadə 20. Anar Panayev 38. Arsen Ağcabəyov
Məşqçi: Ramin Quliyev
Hakimlər: Səbuhi Bayramov, Eyyub İbrahimov, Elşad Abdullayev, Rəşad Əhmədov
Hakim-inspektor: Ramil Diniyev
AFFA nümayəndəsi: Məmmədəli Məmmədov
“ASCO Arena”, 500 tamaşaçı
Qeyd edək ki, tura noyabrın 24-də keçiriləcək "Neftçi" "Qəbələ" və "Zirə" - "Keşlə" oyunları ilə yekun vurulacaq.
