UEFA Avropa Liqasının qrup mərhələsinin V turunun oyunlarından sonra statistik göstəriciləri açıqlayıb.
Sportnet.az-ın məlumatına görə, Ukraynanın "Aleksandriya" klubunda çıxış edən Azərbaycan millisinin müdafiəçisi Pavel Paşayev komandasının heyətində fərqlənən futbolçuların siyahısında yer alıb.
31 yaşlı müdafiəçi 5 oyundan sonra Ukrayna təmsilçisində ən çox dəqiq ötürmə verən üçüncü oyunçu olub. Paşayevin 196 cəhdindən 144-ü dəqiq alınıb.
Yarımmüdafiəçi Dmitri Qreçişkinin 220 ötürməsindən 170-i, digər müdafiəçi Denis Miroşniçenkonun isə 216 ötürməsindən 158 dəqiq olub.
Qeyd edək ki, V turda evdə Almaniya "Volfsburq"una 0:1 hesabı ilə uduzan "Aleksandriya" növbəti mərhələyə yüksəlmək şansını itirib.
