“Keşlə” Azərbaycan Premyer Liqasının startında ardıcıl 3-cü quru oyununu keçirib.
Sportnet.az Peşəkar Futbol Liqasının rəsmi saytına istinadən xəbər verir ki, “Sumqayıt” üzərində 1:0 hesablı qələbədən sonra Yunis Hüseynovun baş məşqçi olduğu kollektiv “Qarabağ” və “Qəbələ” ilə qolsuz heç-heçə edib.
Mövsümün ilk üç oyununda qapısını toxunulmaz saxlamaq “Keşlə” üçün ən yüksək göstəricidir. Bakılılar indiyədək iki dəfə bu rekord nəticəyə imza atıb. 2006/2007 və 2010/2011 mövsümlərində ilk üç matçı quru keçirən paytaxt təmsilçisinin seriyası IV turda qırılıb. Növbəti turda meydanı qol buraxmadan tərk etsə, “Keşlə” mütləq rekorda imza atacaq.
Qeyd edək ki, əvvəllər “Xəzər Universiteti” və “İnter” adları altında da oynamış “Keşlə” 1999/2000 mövsümündən güclülər dəstəsində mübarizə aparır.
