Türkiyənin I liqasında çıxış edən "Akhisar" komandası qış fasiləsində rekord sayda futbolçu transferi həyata keçirib.
Sportnet.az klubun rəsmi saytına istinadən xəbər verir ki, aşağı dəstə təmsilçisi heyətini 26 oyunçu ilə gücləndirib.
Bunların arasında "Qarabağ"ın sabiq vingeri Con Delarj və "Qalatasaray"da forma geyinmiş Semih Kaya kimi futbolçular da var.
Qeyd edək ki, "Akhisarspor"un keçmiş futbolçularına təqribən 2 milyon avro borcu olduğu üçün yanvarın əvvəlində kluba transfer qadağası qoyulmuşdu.
