İspaniya "Barselona"sının futbolçusu Jerar Pike karyerasını başa vurmaq istədiyi klubun adını açıqlayıb.
Sportnet.az-ın məlumatına görə, 34 yaşlı müdafiəçi "Marca" nəşrinə açıqlamasında özünü başqa komandada təsəvvür etmədiyini bildirib.
İspaniyalı oyunçu karyerasını məhz Kataloniya təmsilçisində bitirəcəyini söyləyib: "Hansısa digər klubda oynamaq üçün motivasiya tapa bilmərəm. Bu, mənim üçün dram olar".
Qeyd edək ki, Jerar Pike "Barselona"nın yetirməsidir. O, 2008-ci ildən əsas komandada oynayır. Müdafiəçi 2004 - 2008-ci illərdə İngiltərənin "Mançester Yunayted" klubunda çıxış edib.
