19 yaşadək qadın futbolçulardan ibarət Azərbaycan milli komandasının Avropa çempionatının ikinci seçmə mərhələsində keçirəcəyi oyunların tarixi müəyyənləşib.
Sportnet.az-ın AFFA-nın rəsmi saytına istinadən məlumatına görə, B liqasından A liqasına vəsiqə qazanmaq uğrunda mübarizə aparacaq yığma 1-ci qrupda Şimali İrlandiya, Farer adalar və Malta komandaları ilə qarşılaşacaq.
Bu qrupun oyunları 2022-ci ilin aprelində Şimali İrlandiyada təşkil olunacaq. Oyunlar aprelin 6-da Farer adaları, aprelin 9-da Malta, aprelin 12-də Şimali İrlandiyaya qarşı olacaq.
