UEFA Çempionlar Liqasında digər finalçının da adına aydınlıq gəlib.
Sportnet.az-ın məlumatına görə, yarımfinal mərhələsinin cavab oyununda İspaniyada İngiltərənin "Mançester Siti" klubunu 3:1 hesabı ilə məğlub edən "Real Madrid" həlledici qarşılaşmaya vəsiqə qazanıb.
Hesabı 73-cü dəqiqədə qonaqlardan Riyad Mahrez açıb. Meydan sahibləri 90-cı və 90+1-ci dəqiqələrdə Rodriqonun vurduğu qollarla ümumi hesabı bərabərləşdirib. Bu səbəbdən görüşdə əlavə vaxt oynanılıb. 95-ci dəqiqə Kərim Benzema penaltidən fərqlənməklə, 3-cü topu rəqibin qapısından keçirib və yekun hesabı müəyyənləşdirib.
İngiltərədəki ilk qarşılaşmada meydan sahibləri qələbə qazanmışdılar - 4:3.
Qeyd edək ki, "Real Madrid" finalda İngiltərənin digər təmsilçisi "Liverpul"la qarşılaşacaq. Həlledici oyun mayın 28-də Fransanın paytaxtı Parisdəki "Stad de Frans"da keçiriləcək. Görüş Bakı vaxtı ilə saat 23:00-da başlayacaq.
---------------------------------------------
Bu gün UEFA Çempionlar Liqasında növbəti finalçının adına aydınlıq gələcək.
Sportnet.az-ın məlumatına görə, İspaniya "Real Madrid"i yarımfinal mərhələsinin cavab oyununda İngiltərənin "Mançester Siti" klubunu qəbul edəcək. "Santyaqo Bernabeu" stadionundakı matçın baş hakimi italiyalı Daniele Orsato olacaq.
"Kral klubu"ndan Eden Azar zədə səbəbindən görüşü buraxacaq. David Alaba və Qaret Beylin meydana çıxması sual altındadır. Qonaqlardan isə Con Stounz zədəli olduğu üçün oynamayacaq. Kayl Uokerin matçda iştirak edib-etməyəcəyi bəlli deyil.
Komandalar arasında Mançesterdə keçirilmiş ilk oyunda "şəhərlilər" 4:3 hesablı qələbə qazanıb. Cütün qalibi finalda İngiltərə "Liverpul"u ilə üz-üzə gələcək.
UEFA Çempionlar Liqası, yarımfinal
Cavab oyunu
4 may
23:00. "Real Madrid" (İspaniya) - "Mançester Siti" (İngiltərə) - 3:1 (ƏLAVƏ VAXTDA - 1:0)
Qollar: Rodriqo, 90; 90+1. Kərim Benzema, 95 (pen.) - Riyad Mahrez, 73
Baş hakim: Daniele Orsato (İtaliya)
Madrid, "Santyaqo Bernabeu" stadionu.
İlk oyun - 3:4
Qeyd edək ki, yarımfinalın digər cavab oyununda "Liverpul"u İspaniyada "Vilyarreal"a 3:2 hesabı ilə qalib gəlib. İngiltərə təmsilçisi öz meydanında da 2:0 hesablı qələbə qazandığı üçün finala adlayıb.
