"Oyun istər məzmun, istər mübarizə baxımından maraqlı alındı". Sportnet.az-ın məlumatına görə, bunu Azərbaycan yığması ilə Avropa çempionatının seçmə qrup matçından sonra Ukrayna millisinin baş məşqçisi Aleksandr Kosenko deyib.
Kosenko bildirib ki, qələbədə heç-heçənin sərfəli olmaması öz rolunu oynayıb: "Qələbə qazanmaq istəyirdik, bilirdik ki, heç-heçə bizi qane etmir. Azərbaycan millisinin möhtəşəm azarkeş dəstəyi vardı. Bununla belə, məqsədimizə çatdıq. Nə qədər təzadlı olsa da, heç-heçənin bizə sərfəli olmaması psixoloji baxımdan işimizə yaradı”.
Qeyd edək ki, Ukrayna yığması 3:2 hesablı qələbə sayəsində qrup lideri kimi Avropa çempionatına birbaşa vəsiqə qazanıb. Qrupda ikinci olan Azərbaycan millisi isə "pley-off" səddini də adlamalı olacaq.
