Türkiyə Super Liqasının XXV turunda "Fənərbaxça" ilə qarşılaşma "Beşiktaş" üçün uğursuz olub. Sportnet.az-ın məlumatına görə, "ağ-qaralar"ın qapıçısı Tolqa Zəngin oyun zamanı zədələnib.
Artıq 32 yaşlı əlcək sahibinin vəziyyətinə aydınlıq gəlib. Türkiyəli çərçivə qoruyucusu cari mövsümdə komandasına kömək edə bilməyəcək. Onun sağ arxa əzələsində 4-cü dərəcəli yırtıq aşkarlanıb.
Qeyd edək ki, Tolqa Zəngin komandasının 0:1 hesabı ilə məğlub olduğu matçın 44-cü dəqiqəsində yerini Günay Güvəncə verib.
