“Sumqayıt” və "Kəpəz" komandaları arasında yoxlama oyununu keçirilib.
Sportnet.az-ın məlumatına görə, “Kapital Bank Arena”nın ehtiyat meydanında təşkil olunmuş qarşılaşma meydan sahiblərinin qələbəsi ilə yekunlaşıb - 3:2. “Sumqayıt”ın qollarını Vüsal İsgəndərli, Elşən Abdullayev və Araz Abdullayev vurub. "Kəpəz"dən isə Giorgi Kantariya və baxışda olan braziliyalı Juninyo fərqlənib.
Bununla da, “Sumqayıt” yeni mövsümə hazırlığın birinci mərhələsini başa vurub. Komanda bir günlük istirahətin ardından iyulun 16-da təlim-məşq toplanışının ikinci mərhələsi üçün Türkiyənin Bolu şəhərinə yola düşəcək. İyulun 30-dək davam edəcək toplanış müddətində Aleksey Baqanın baş məşqçi olduğu kollektiv 3 yoxlama oyunu keçirməyi planlaşdırır.
