Türkiyənin "Fənərbağça" klubunun prezidenti Əziz Yıldırım komandanı daşıyan avtobusun sürücüsü Ufuk Kıranın ailəsiylə görüşüb. Sportnet.az-ın məlumatına görə, göüş zamanı Yıldırım ailənin yanında olduqlarını, lazım olan bütün ehtiyacları qarşılayacaqlarını bildirib.
Klub prezidentindən əlavə komandanın futbolçuları da sürücüyə yardım etmək qərarına gəlib. Həm maddi, həm də mənəvi dəstək olacaqlarını bildirən futbolçular öz aralarında pul toplayaraq sürücüyə təqdim edəcək.
Qeyd edək ki, bir neçə gün öncə "Rizəspor"la matçdan qayıdan "Fənərbağça"nı daşıyan avtobus silahlı hücuma məruz qalmış və hadisə nəticəsində sürücü Ufuk Kıran yaralanmışdı.
