Prezident İlham Əliyev "Bakıdakı Avropa Gənclər Yay Olimpiya Festivalında (EYOF) ən yüksək nəticələrə görə ölkə idmançıları və onların məşqçilərinin mükafatlandırılması haqqında" sərəncam imzalayıb.
Sportnet.az xəbər verir ki, medal qazanmış idmançılar və onların məşqçiləri sərəncamla aşağıdakı məbləğdə mükafatlandırılıblar:
birinci yeri tutan hər bir idmançı - 10 000 manat, onun şəxsi məşqçisi - 5000 manat;
ikinci yeri tutan hər bir idmançı - 7000 manat, onun şəxsi məşqçisi - 3500 manat;
üçüncü yeri tutan hər bir idmançı - 5000 manat, onun şəxsi məşqçisi - 2500 manat;
komandanın baş məşqçisi - idman növü üzrə ən yüksək nəticə göstərmiş idmançıya görə şəxsi məşqçinin aldığı məbləğ qədər (bir dəfə).
