Avropada forma geyinən braziliyalı futbolçular arasında ən yaxşısının seçimi məqsədilə sorğu keçirilib. Sportnet.az-ın məlumatına görə, ardıcıl 2-ci dəfə bu ada İspaniya "Barselona"sının hücumçusu Neymar layiq görülüb.
O, "Samba Gold" mükafatına sahib olub. İnternet istifadəçiləri, jurnalistlər və ötənlərin məşhur futbolçularının qatıldıqları sorğuda Neymar 38 faiz səs yığıb. O, Almaniya "Bavariya"sının yarımmüdafiəçisi Duqlas Kosta (13 faiz) və İtaliya "İnter"inin cinah oyunçusu Felipe Melonu (9 faiz) üstələyib.
Qeyd edək ki, səs qazanan 30 futbolçu sırasında Azərbaycanda çıxış edən "sambaçılar"dan heç biri düşməyib.
