Azərbaycan millisinin 2016-cı il Avropa Çempionatının seçmə qrup mərhələsindəki rəqibi Malta yığmasında məşqçi dəyişikliyi baş verib. Sportnet.az-ın məlumatına görə, Malta Futbol Federasiyasının icraçı direktoru Byorn Vassallo açıqlama verib.
Vassalo baş məşqçi Pyetro Qedinə bundan sonra Ray Zaza Farruqianın kömək edəcəyini bildirib. Farruqia daha öncə Maltanın 21 yaşadək futbolçulardan ibarət yığmasının baş məşqçi postunda çalışıb.
Qeyd edək ki, Azərbaycan Malta yığmalarının ilk görüşü 2015-ci il martın 28-də baş tutacaq. Təkrar qarşılaşma isə sentyabrın 6-da keçiriləcək.
