Fransanın yüksək liqası sayılan Liqa 1-də "Lans"ı əvəzləyəcək klub müəyyənləşib. Sportnet.az-ın məlumatına görə, bu barədə ölkənin Peşəkar Liqası qərar çıxarıb.
Qərara əsasən, "Lans"ın yerini ötən mövsümü Liqa 1-də 18-ci pillədə başa vuraraq, aşağı liqaya enməli olan "Soşo" tutub. "Sarı-qırmızılar" isə çıxışlarını Liqa 2-də davam etdirəcəklər. "Lans" qərardan apellyasiya versə də, rədd cavabı alıb. Səbəb kimi klubun maliyyə meyarlarına cavab verməməsi göstərilib.
Qeyd edək ki, "Lans" azərbaycanlı iş adamı Hafiz Məmmədova məxsusdur.
