Milli komandalarımızın rəqibləri sabah məlum olacaq

Final mərhələsi 2016-cı ilin may ayında Belarusda təşkil olunacaq 17 yaşadək qadınlardan ibarət komandalar arasında Avropa çempionatının seçmə mərhələsinin püşkü atılacaq. Sportnet.az-ın məlumatına görə, sabah UEFA-nın Nyondakı mənzil qərargahında təşkil olunacaq püşkatmanın səbətləri açıqlanıb.

Sabah eyni zamanda final mərhələsi 2016-cı il iyul ayında Slovakiyada təşkil olunacaq 19 yaşadək qadınlardan ibarət komandalar arasında Avropa çempionatının seçmə mərhələsinin də püşkü atılacaq. Komandalar reytinqinə görə 4 səbətə bölünüb.

Səbətlərin tərkibini nəzərinizə çatdırırıq:

U-17-nin potensial rəqibləri

A səbəti:İspaniya, İsveç, Norveç, Danimarka, İsveçrə, Avstriya, Belçika, Polşa, İtaliya, İrlandiya, İslandiya

B səbəti:Çexiya, Rusiya, Hollandiya, İngiltərə, Finlandiya, Şotlandiya, Macarıstan, Serbiya, Türkiyə, Şimali İrlandiya, Yunanıstan

C səbəti:Rumıniya, Bosniya və Herseqovina, Sloveniya, Uels, Portuqaliya, Bolqarıstan, Ukrayna, AZƏRBAYCAN, Monteneqro, Slovakiya, Xorvatiya, Moldova, Latviya, İsrail, Farer Adaları, Estoniya, Litva, Makedoniya, Qazaxıstan, Gürcüstan, Andorra, Ermənistan.

U-19-un potensial rəqibləri

A səbəti:İsveç, Fransa, Almaniya, Norveç, Danimarka, Finlandiya, Belçika, Şotlandiya, İrlandiya, Hollandiya, İsveçrə

B səbəti:Portuqaliya, Çexiya, Serbiya, Rumıniya, İtaliya, Avstriya, İslandiya, Rusiya, Şimali İrlandiya, Uels, Polşa

C səbəti:Türkiyə, Ukrayna, Macarıstan, Yunanıstan, Xorvatiya, Sloveniya, Bosniya və Herseqovina, Makedoniya, Kipr, Belarus, Estoniya

D səbəti:Farer adaları, Bolqarıstan, AZƏRBAYCAN, Moldova, Latviya, Litva, İsrail, Qazaxıstan, Monteneqro, Gürcüstan, Albaniya.

Qeyd edək ki, 17 yaşadək qadınlardan ibarət komandalar arasında Avropa çempionatının seçmə mərhələsinin oyunları 2015-ci ilin avqustun 1-dən oktyabrın 31-dək, 19 yaşadək qadınlardan ibarət komandalar arasında Avropa çempionatının seçmə mərhələsinin oyunları 2015-ci ilin 15-20 sentyabr tarixlərində keçiriləcək.