Londonun
"Çelsi” klubunun keçmiş baş məşqçisi Con Nil vəfat edib. Sportnet.az-ın məlumatına
görə, Nil noyabrın 24-də 82 yaşında dünyasını dəyişib.
Klubun rəsmi internet səhifəsində verilən məlumatlarda
məşqçinin "Çelsi” azarkeşlərinin qəlbində daima yaşayacağı bildirilib: "Con Nil
"Çelsi” azarkeşlərinin qəlbində komandanı krizis vəziyyətindən xilas edən biri kimi
yaddaşlarda qalacaq”.
Nil 1981-ci ildə "Çelsi”nin İngiltərə
çempionatının ikinci divizionunda çıxış edərkən komandanın baş məşqçi postuna gətirilib.
Mütəxəssis 1984/1985-ci ildə komandanı premyer liqaya çıxarmağı bacarmışdı. Həmin
il Nil sağlığındakı problemlərlə əlaqədar komandadan getməli olub. Bundan sonra
o klubda idarə heyətində işinə davam edib.
Məşqçilik karyerası ərzində Nil "Reksem” və "Midlsbro” klublarını çalışdırıb.
