16 yaşadək qızlardan ibarət Azərbaycan yığması Bakıda təşkil olunmuş UEFA-nın İnkişaf turnirinin qalibi olub. Sportnet.az-ın məlumatına görə, yığmamız Bayıl stadionunda keçirilmiş son oyunda Yunanıstan komandası ilə qarşılaşıb.
Oyun 1:1 hesabı ilə başa çatdığı üçün qalib penalti seriyasında müəyyənləşib. Zərbələri daha sərrast yerinə yetirən yığmamız 4:2 (ümumi nəticə - 5:3) hesabı ilə qalib gəlib. Turun "Dalğa Arena”da keçirlmiş digər oyununda isə Qazaxıstan yığması gürcüstanlı futbolçulara qalib gəlib – 1:0.
Turnirdə keçirilmiş bütün oyunların nəticəsini bir daha diqqətinizə çatdırırıq:
16 aprel
Yunanıstan – Qazaxıstan 10:0
Azərbaycan – Gürcüstan 5:0
17 aprel
Yunanıstan – Gürcüstan 7:0
Azərbaycan – Qazaxıstan 0:0 (5:4 – pen.)
19 aprel
Qazaxıstan – Gürcüstan 1:0
Azərbaycan – Yunanıstan 1:1 (4:2 – pen.)
Beləliklə, millimiz hər 3 görüşündən qalib ayrıldığından, UEFA-nın İnkişaf Turnirini birinci pillədə başa vurub. Yunanıstan 6 xalla 2-ci, Qazaxıstan 3 xalla 3-cü, xalsız Gürcüstan isə sonuncu yeri tutub.
