Rusiyanın "Spartak" klubunun erməni futbolçusu Araz Ozbiliz komandasında xoşbəxt olduğunu və baş məşqçisi Murat Yakinin qərarlarına hörmətlə yanaşdığını açıqlayıb. Sportnet.az-ın məlumatına görə, futbolçu ötən gün baş məşqçisi ilə əlaqələri haqqında yazılan xəbərlərin yalan olduğunu söyləyib.
"Mətbuatda mənim adımdan söyləmədiyim sözləri yazıblar. Mənim baş məşqçi Murat Yakin ilə əlaqəli heç bir şikayətim yoxdur. Yakin "Spartak"ın baş məşqçisi, mən isə futbolçusuyam. Onun qərarlarına hörmətlə yanaşıram. Klubumda çox xoşbəxtəm və komandam üçün hər şeyimi fəda edərəm. Bu xəbərlər yanlışdır. Kiminləsə qərəzim yoxdur".
Qeyd edək ki, Araz Ozbiliz baş məşqçisin onu əsas həyatdan kənarlaşdırıb, əvəzedici komandaya göndərmə səbəbini erməni-türk münasibəti ilə əlaqələndirmişdi.
