Bakı Şahmat Olimpiadasına Qəbələdə hazırlaşan Azərbaycan millisinin şahmatçısı Rauf Məmmədov mötəbər yarışla bağlı fikirlərini bildirib. Sportnet.az-ın məlumatına görə. Bakı Şahmat Olimpiadasının mətbuat xidmətinə açıqlama verən qrossmeyster olimpiadada medal qazanmağı arzuladığını bildirib: "Ölkəmizdə şahmat çox sevilir. Ona görə də bizi dəstəksiz qoymayacaqlarına inanırıq. Ümid edirəm ki, nəhayət, biz olimpiadada medal qazanacayıq".
Xatırladaq ki, Bakıda təşkil olunacaq Şahmat Olimpiadası sentyabrın 1-də start götürəcək. Ölkəmizdə ilk dəfə baş tutacaq mötəbər yarış Crystal Hall-da keçiriləcək. Olimpiada günlərində paytaxtımızda həm də FİDE konqresinin növbəti iclası olacaq.
