Bu gün İranın Rəşt şəhərində 13-cü beynəlxalq "Xəzər Open” şahmat festivalı start götürəcək. Sportnet.az-ın məlumatına görə, festivalda ümumilikdə 15 ölkədən 321 zəka sahibi öz qüvvəsini sınayacaq.
Yarış A ,B ,C və D qrupları üzrə keçirilir. Azərbaycanı bu turnirdə müxtəlif qruplarda 60 şahmatçı təmsil edəcək.
A turnirində Azər Mirzəyev, Misrətdin İsgəndərov və Nərmin Kazımova da daxil olmaqla (15 beynəlxalq qrossmeyster, 14 beynəlxalq usta və 4 FİDE ustası ) ümumilikdə 76 şahmatçı qələbə uğurunda mübarizə aparacaqlar.
Qeyd edək ki, yarış İsveçrə sistemi üzrə 9 turdan ibarət keçiriləcəkdir.
