"Qarşıda, 2017-ci ildə Bakıda voleybol üzrə Avropa çempionatının final mərhələsinin puşkatması keçiriləcək. Bu çox məsuliyyətli və mötəbər tədbirə ciddi şəkildə hazırlaşmalıyıq". Sportnet.az-ın məlumatına görə, bunu Azərbaycan Voleybol Federasiyasının yeni prezidenti Cavid Qurbanov bu gün Milli Olimpiya Komitəsində keçirilən iclasda deyib.
Voleybolun zəruri, ancaq çox çətin idman növü olduğunu qeyd edib: "Təbii ki, məşqçi və digər məsələlərdə də dəyişikliklər olacaq".
İclasda iştirak edən gənclər və idman naziri Azad Rəhimov C.Qurbanovun idmançıların, voleybolçuların yanında olduğunu, onlara dəstək verdiyini deyib: "Voleybolumuzun daha yüksək inkişafı hər birimizin arzusudur. Hədəfimiz isə, komandamızın 2020-ci ildə Tokyoda keçiriləcək Olimpiya oyunlarına vəsiqə qazanmasıdır".
Qeyd edək ki, C.Qurbanov bu gün AVF-na prezident seçilib. O, Ziya Məmmədovu əvəzləyib.
