Azərbaycanın kontinental velosiped komandası "Synergy Baku"nun üzvü Maksim Averinin beynəlxalq yarışlardakı iştirakına qadağa qoyulub.
Sportnet.az-ın wielerflits.nl saytına istinadən verdiyi məlumata görə, buna səbəb Azərbaycan yığmasının üzvünün orqanizmində istifadəsi qadağan olunan maddənin aşkarlanmasıdır.
Dopinq-test zamanı analizi müsbət nəticələnən M.Averində meldoni preparatı tapılıb.
Qeyd edək ki, Maksim Averin 2016-cı il Rio-de-Janeyro Yay Olimpiya Oyunlarında Azərbaycanı təmsil edib.
