"Bakı" braziliyalı hücumçu Jabanı geri qaytarıb. Sportnet.az-ın məlumatına görə, artıq ölkəmizdə olan "sambaçı" klubun televiziyasına danışıb.
O, "Bakı"nı yenidən yüksəklərə qaldırmağa çalışacaqlarını bildirib: "Yenidən burada olduğum üçün çox xoşbəxtəm. "Bakı" çox böyük komandadır və klubun Hafiz Məmmədov kimi böyük prezidenti var. İnşallah, hamımız bərabər "Bakı"nı yuxarılara qaldırmaq üçün çalışacaq, Hafiz Məmmədovun rəhbərliyi altında yüksəklərdə olacağıq. Özüm isə əvvəlki kimi qollarımı vurmaqda davam edəcəyəm".
