"Gürcüstanla oyun bizim üçün çox vacibdir, amma Azərbaycanla keçirəcəyimiz qarşılaşmanı da düşünməliyik". Sportnet.az-ın məlumatına görə, bunu Malta milli komandasının baş məşqçisi Pietro Gedin qonşu ölkə yığması ilə yoldaşlıq görüşü öncəsi Tiflisdə keçirdiyi mətbuat konfransında deyib.
O bildirib ki, hazırda 4 zədəli futbolçunun millimizlə martın 28-də oynayacaqları AVRO-2016-nın seçmə qrup matçınadək sağalacağına ümid edirlər. Gedin Gürcüstanla görüşdə öz oyun üslublarını sərgiləməyə çalışacaqlarını da əlavə edib.
Qeyd edək ki, bu gün Mixal Mesxi adına stadionda keçiriləcək Gürcüstan - Malta matçı Bakı vaxtı ilə saat 18:00-da başlanacaq. Malta millisi Bakıya martın 26-da gələcək.
