İtaliya "Kalyari"sinin azarkeşləri klubun bazasına hücum ediblər. Sportnet.az-ın yerli mətbuata istinadən məlumatına görə, 30-dək fanat onlara futbolçularla ünsiyyət imkanının yaradılmasını tələb edib.
Görüşə bir neçə oyunçu və klub rəsmisi çıxıb. Ünsiyyət münaqişəyədək böyüyüb və oyunçulara hücumla nəticələnib. Futbolçulardan bəzilərinin döyüldüyü bildirilir. Baş məşqçi Zdenek Zeman isə bugünkü məşqi ləğv edib.
Qeyd edək ki, hazırda "Kalyari" İtaliya A seriyasında 30 oyundan 21 xalla 19-cu pillədə qərarlaşıb. Zemanın komandasını "Atalanta"nın yer aldığı xilasedici 17-ci pillədən 8 xal ayırır. Növbəti turda "Kalyari" "Napoli"ni qəbul edəcək.
