Misli Premyer Liqasında "Araz-Naxçıvan" "Zirə" ilə heç-heçə edib.
Sportnet.az-ın məlumatına görə, oyun XI tura təsadüf edib.
"Liv Bona Dea Arena"da baş tutan görüşdə tərəflər hərəyə 1 dəfə fərqləniblər.
Qarşılaşmada hesab 31-ci dəqiqədə açılıb. Qonaqların heyətində Georgi Papunaşvili adını tabloya yazdırıb. Yekun nəticəni isə final fitinə 1 dəqiqə qalmış penalti zərbəsini dəqiq yerinə yetirən Felipe Santos müəyyənləşdirib.
Bu nəticədən sonra "Araz-Naxçıvan" xallarının sayını 21-ə, "Zirə" isə 17-yə çatdırıb.
Günün digər matçı isə "Səbail" və "Sumqayıt" komandaları arasında baş tutacaq.
"ASCO Arena"da keçiriləcək oyunun start fiti saat 18:30-da səslənəcək.
Misli Premyer Liqası
XI tur
26 oktyabr (şənbə)
16:00. “Araz-Naxçıvan” – “Zirə” - 1:1
Qollar: Santos, 89 (p.) - Papunaşvili 31
Baş hakim: Əliyar Ağayev
