Bu gün "Qarabağ" UEFA Avropa Liqasının Liqa mərhələsində VII tur oyununu keçirəcək.
Sportnet.az xəbər verir ki, "köhlən atlar" Tofiq Bəhramov adına Respublika Stadionunda Rumıniyanın FCSB klubunu qəbul edəcək. Saat 21:45-də başlayacaq oyunu Filip Qlovanın rəhbərliyi altında Slovakiyadan olan hakimlər briqadası idarə edəcək.
"Qarabağ"a bu oyunda müdafiəçi Bədavi Hüseynov kömək edə bilməyəcək. Rumıniya təmsilçisi isə zədəli Vlad Kirikeş, eləcə də Darius Olaru, Mixay Lixandru və Oktavian Popeskunu Bakıya gətirməyib.
Ağdam təmsilçisi VI turdan sonra 3 xalla 33-cü, FCSB isə 11 xalla 10-cu pillədə qərarlaşıb. "Qarabağ" bu oyunda məğlub olacağı təqdirdə, növbəti mərhələ şansını tam itirəcək.
UEFA Avropa Liqası
Liqa mərhələsi, VII tur
23 yanvar
21:45 "Qarabağ" - FCSB
Baş hakim: Filip Qlova
Baş hakimin köməkçiləri: Daniel Polacek, Peter Bednar
Dördüncü hakim: Lukaş Dzivcak
VAR: Mihail Oçenaş
AVAR: Martin Dohal (hamısı Slovakiya)
Hakim-inspektor: Martin Hansson (İsveç)
UEFA nümayəndəsi: Natalya Vorobyova (Belarus)
