21 yaşadək futbolçulardan ibarət Azərbaycan milli komandası Avropa çempionatının seçmə mərhələsində növbəti oyununa çıxıb.
Sportnet.az xəbər verir ki, Rəşad Eyyubovun baş məşqçi olduğu kolektiv səfərdə Çexiyanın müvafiq yaş qrupundan ibarət komandası ilə qarşılaşıb.
Karvina şəhər stadionunda keçirilmiş görüş meydan sahiblərinin böyük hesablı qələbəsi ilə yekunlaşıb - 5:0.
Azərbaycan millisi rəqibinə 40-cı dəqiqəyədək müqavimət göstərə bilib. Səhnəyə çıxan Lukaş Maşek het-trik edib. Onun penaltidən daha bir qol vurmasının qarşısını isə qapıçı Səlim Həşimov alıb.
Qeyd edək ki, bu görüşədək hər iki yığma 6 komandalı B qrupunda 2 oyun keçirmişdi. Çexiya evdə Şotlandiyaya, səfərdə Cəbəllütariqə qalib gəlmişdi. Azərbaycan isə səfərdə Portuqaliyaya 0:5 hesabı ilə uduzduqdan sonra evdə Bolqarıstanla heç-heçə etmişdi - 1:1. Hazırda Çexiya 9 xalla vahid liderdir. Yenə eyni hesabla uduzan Azərbaycan isə 1 xalla 5-ci yerdə gedir.
Qeyd edək ki, U-21 qrupda dördüncü görüşünü oktyabrın 14-də Bakıda Şotlandiya yığmasına qarşı keçirəcək.
10 oktyabr
20:00. Çexiya (U-21) - Azərbaycan (U-21) - 5:0
Qollar: Lukaş Maşek, 40; 59; 75. Lukas Ambros, 55. David Planka, 84
İstifadə olunmamış penalti: Lukaş Maşek, 63 (Çexiya)
Çexiya: 1. Yan Kunti, 2. Tomas Yelinek, 22. Yan Paluska, 4. Erik Hunal, 3. Adam Şevinski, 13. Albeert Labik, 18. Lukas Ambros, 8. Ondrey Kriçfaluşi, 10. Matey Şin (k), 9. Matias Voyta, 11. Lukaş Maşek
Azərbaycan: 1. Səlim Həşimov, 3. Rüfət Abbasov, 44. İbrahim Ramazanov, 5. Emin Rüstəmov (k), 15. Raul Məmmədov, 2. Eşqin Əhmədov, 11. Xəyal Əliyev, 10. Şahin Şahniyarov, 8. Emil Süleymanov, 18. Oruc Məmmədov, 9. Ağadadaş Salyanski
Baş hakim: Yovan Kaçevski
Baş hakimin köməkçiləri: Daniel Vasilevski, Aleksandar Gyorgyeski
Dördüncü hakim: Krumislav Gyorgiev
(Hakimlər briqadası Şimali Makedoniyadandır)
Karvina şəhər stadionu.
