21 yaşadək futbolçulardan ibarət Azərbaycan milli komandası Avropa çempionatının seçmə mərhələsində bu gün dördüncü oyununa çıxıb.
Sportnet.az xəbər verir ki, B qrupunda yer alan milli Bakıda Şotlandiyanın müvafiq yaş qrupundan ibarət komandası ilə qarşılaşıb.
“Dalğa Arena”da keçirilmiş görüş 3:3 hesablı heç-heçə ilə yekunlaşıb - 3:3.
Baş məşqçi Rəşad Eyyubovun komandasından qollardan ikisini Xəyal Əliyev vurub. O, 7-ci dəqiqədə hesabı açıb və 49-cu dəqiqədə penalti ilə millinin ikinci qolu vurub. Digər qola isə Şahin İbrahimov imza atıb.
Şotlandiya yığması bərabərlik qolunu 10 oyunçu ilə qaldıqları vaxt vurub. Bundan sonra daha bir oyunçusunu itirmələrinə baxmayaraq, Azərbaycan millisi 9 oyunçu ilə qalan rəqibi məğlub edə bilməyib.
Beləliklə, 4 turdan sonra Azərbaycan millisinin 2 xalla 5-ci, Şotlandiya 4 xalla 4-cü pillədə qərarlaşıb.
Qeyd edək ki, U-21 qrupda növbəti matçını noyabrın 18-də səfərdə Cəbəllütariq yığmasına qarşı keçirəcək.
14 oktyabr
19:00. Azərbaycan (U-21) - Şotlandiya (U-21) - 3:3
Qollar: Xəyal Əliyev, 7; 49 (pen.). Şahin İbrahimov, 79 - Devid Uotson, 33. Luk Qrem, 44. Samuel Klill-Hardinq, 90+1
Qırmızı vərəqələr: Xəyal Əliyev, 90+6 - Ceremia Mullen, 46. Adedire Mebude, 90+1
Baş hakim: Sayat Karabayev
Baş hakimin köməkçiləri: Yuri Tixonyuk, Yevgeni Belski
Dördüncü hakim: Saken Bayimbet
(Hakimlər briqadası Qazaxıstandandır)
“Dalğa Arena”.
