AVRO-2016-nın seçmə mərhələsində "Bakcell Arena"da keçiriləcək Azərbaycan – Xorvatiya oyunu ərəfəsində təşkil olunacaq mətbuat konfranslarının və mətbuat üçün açıq məşqlərin vaxtı açıqlanıb. Sportnet.az-ın məlumatına görə, sentyabrın 2-də ilk olaraq qonaq komandanın baş məşqçisi Niko Kovaç jurnalistlərin suallarını cavablandıracaq.
Xorvatiyanın baş məşqçisi 19:30-da mətbuat konfransına qatılacaq. Yarım saat sonra isə qonaqların açıq məşqi olacaq. Robert Prosineçki isə 20:30-da media nümayəndələri ilə görüşəşək. 21:00-da isə Azərbaycan yığması oyunöncəsi son məşqə çıxacaq.
Qeyd edək ki, sentyabrın 3-də keçiriləcək Azərbaycan-Xorvatiya qarşılaşması saat 21:00-da start götürəcək.
