İspaniyanın "Barselona" klubunun futbolçusu Luis Suares sabiq komandası İngiltərə "Liverpul"unun azarkeşləri üçün darıxıb. Sportnet.az-ın məlumatına görə, "DailyStar"a açıqlama verən hücumçu "Enfild"dəki atmosferin inanılmaz olduğunu bildirib.
O, bunları deyib: "Liverpul"da oynayanlar bilməlidirlər ki, onların nə qədər vacib azarkeşləri var. Həmin azarkeşlər həmişə ürəyimdədirlər. Gələcək haqda əvvəlcədən danışmaq olmaz. Ancaq nə vaxtsa İngiltərə qayıdacaq olsam, seçimim yalnız "Liverpul" olacaq. Başqa heç bir komandada oynamaram".
Qeyd edək ki, Luis Suares 2011-2014-cü illərdə "Liverpul"də çıxış edib.
