Rusiyanın "Dinamo" klubunun rəsmisi İlya Kuzenkin komandaya təyin olunacaq yeni baş məşqçi haqda danışıb. Sportnet.az-ın məlumatına görə, klub rəsmisi "Qəbələ"nin sabiq baş məşqçisi Yuri Syominin paytaxt komandasına gələcəyi ilə bağlı yayılan xəbərlərə aydınlıq gətirib.
O bildirib ki, "Dinamo" Syominin xidmətində maraqlı deyil və 69 yaşlı mütəxəssis Moskva klubuna dəvət edilməyəcək. Yeni baş məşqçinin adına yaxın 2 həftə ərzində aydınlıq gələcək.
Qeyd edək ki, Yuri Syomin 2013/2014 mövsümündə "Qəbələ"də çalışıb.
