Avstriyada təlim-məşq toplanışında olan "Qarabağ"ın düşərgəsində daha 6 futbolçu qoşulub. Sportnet.az-ın məlumatına görə, bir neçə gün öncə ailə həyatı quran Dani Kintana kollektivlə məşqlərə başlayıb.
Ötən mövsümün bombardiri və ən çox qol ötürməsi ilə yadda qalan Kintana ötən gün axşam məşqində iştirak edib.
Milli komandanın toplanışından sonra bir müddət istirahət edən 5 futbolçu - Rəşad Sadıqov, Bədavi Hüseynov, Maksim Medvedev, Qara Qarayev və Əfran İsmayılov da Kössen qəsəbəsində "Qarabağ"ın məskunlaşdığı otelə gəlib. Onlar da axşam məşqinə qatılıb.
