Bu gün futbol üzrə Avropa çempionatının (AVRO-2016) daha bir yarımfinalçısı məlum olub. Sportnet.az-ın məlumatına görə, gecənin tək oyununda Almaniya və İtaliya yığmaları üz-üzə gəlib.
Erkən final adlandırılan qarşılaşma Bakı vaxtı ilə saat 23:00-da start götürüb. Oyunda qollar ikinci hissədə vurulub. Əvvəlcə Məsut Özil hesabı açıb. Ancaq az sonra Cerom Boatenqin cərimə meydanında əllə oynamasına görə almanların qapısına penalti təyin olunub. Leonardo Bonuççinin zərbəsi dəqiq olub - 1:1.
Əsas vaxt heç-heçə bitdiyindən 30 dəqiqəlik əlavə vaxt təyin olunub. Burada da da qalib müəyəynləşmədiyindən oyun sonrası penaltilərə ehtiyac olub. İlk 5 zərbədən sonra da heç-heçə olub. Yalnız 9-cu zərbələrdə qalib müəyyənləşib. Manuel Moyer Matteo Darmianın penaltisini dəf edib və bundan sonra almanlatrın ümdafiəçisi Yonas Hektor qələbə topunu vurub.
Xatırladaq ki, Almaniya iyulun 7-də Marseldə keçiriləcək yarımfinalda Fransa - İslandiya cütünün qalibi ilə üzləşəcək. Bendestimin mərkəz müdsafiəçisi Mats Hummels həmin matçda cəzalı olduğundan meydana çıxa bilməyəcək.
AVRO-2016, 1/4 final mərhələsi
2 iyul
23:00. Almaniya - İtaliya - 1:1 (Oyunsonrası penaltilərdə - 6:5)
Qollar: Məsut Özil, 65 - Leonardo Bonuççi, 77-pen
Penaltilər seriyası: Lorentso İnsinye, (0:1), Toni Kross (1:1), Simon Zaza (1:1, yan), Tomas Müller (1:1, qapıçı), Andrea Batsalyi (2:1), Məsut Özil (2:1, dirək), Qratsiano Pelle (2:1, yan), Aleksandr Draksler (2:2), Leonardo Bonuççi (2:2, qapıçı), Bastian Şvaynştayger (2:2, yan), Emmanuelle Dzakkerini (2:3), Mats Hummels (3:3), Marko Parolo (3:4), Yosua Kimmix (4:4), Mattia De Şilyo (5:4), Cerom Boatenq (5:5), Matteo Darmian (5:5, qapıçı), Yonas Hektor (6:5)
Baş hakim: Viktor Kaşşai
Yan xətt hakimləri: Qyorqi Rinq, Ventsel Tot
Əlavə köməkçi hakimlər: Tamaş Boqnar, Adam Farkaş (hamısı Macarıstan)
Dördüncü hakim: Şimon Marçinyak
Ehtiyat köməkçi hakim: Pavel Sokolniçki (hər ikisi Polşa)
Hakim-inspektor: Hyu Dallas (Şotlandiya)
UEFA nümayəndəsi: Martin Sturkenboom (Hollandiya)
