Fransa milli komandasının baş məşqçisi Didye Deşam Azərbaycan milli komandasını çalışdırmış təcrübəli həmkarı Berti Foqtsun rekorduna şərik çıxmağa çox yaxındır. Sportnet.az-ın məlumatına görə, bu, həm futbolçu, həm də məşqçi kimi Avropa çempionu olmasıdır.
Belə ki, yalnız millimizin almaniyalı sabiq baş məşqçisi bu uğurun sahibi olması ilə öyünə bilər. 70 yaşlı Foqts 1972-ci futbolçu, 1996-cı ildə baş məşqçi kimi qitə çempionu olub və artıq 20 ildir bu rekordu əlçatmazdır.
Ancaq indi Deşam onu təkrarlamağım bu addımlığındadır. Bunun üçün Fransa sabah finalda Portuqaliyaya qalib gəlməlidir.
Qeyd edək ki, 49 yaşlı Deşam 2000-ci ildə Fransa yığmasının kapitanı kimi Avropa çempionu olub. Fransızlar bundan sonra nəinki qitə çempionu olmayıb, heç finala da yüksələ bilməmişdilər.
