"Avropa Liqasının I təsnifat mərhələsində Maltanın "Balzan" klubu ilə keçirilən oyunda rəqiblə toqquşandan sonra zədələndim". Sportnet.az-ın məlumatına görə, bunu "Neftçi"nin futbolçusu Elşən Abdullayev klub saytına açıqlamasında deyib.
22 yaşlı yarımmüdafiəçi müalicə müddətindən söz açıb. O, azarkeşlər üçün darıxdığını bildirib: "Əməliyyat oldum və bərpa prosesi üçün Almaniyaya gedib, 20 gün qaldım. Bakıda məşqləri davam etdirirəm. "Qarabağ"la oyuna qədər hazır olacam. Əsas fiziki formamı bərpa etməyə çalışıram. Problemin olmaması üçün işləyirəm. Hər bir futbolçu uzun müddətdir oynamayanda meydança üçün darıxır və mən də darıxmışam. Tezliklə komandaya qoşulub, kömək etmək istəyirəm. Azarkeşlər üçün darıxmışam. Söz verirəm ki, bundan sonra daha yaxşı nəticə görəcəklər".
