Bakı. 6 yanvar. REPORT.AZ/ "Gənc və istedadlı futbolçudur, məğlub olmağı sevmir. Onun oyun üslubu komandamızın hücumlarına əlavə sürət və güc qatacaq". Sportnet.az-ın məlumatına görə, bunu "Qarabağ"ın baş məşqçisi Qurban Qurbanov klub saytına açıqlamasında heyətə yeni cəlb olunmuş Ağabala Ramazanov haqda danışarkən deyib.
Baş məşqçi 24 yaşlı yarımmüdafiəçinin əzmkralıq və xarakteri ilə seçildiyini bildirib: "Əminəm ki, Ağabala Ramazanov bizdə oynadığı müddətdə öz ustalığını artırmaq üçün şans qazanacaq. Ağabala hər zaman xarakter və əzmkarlığı ilə seçilən futbolçulardandır. Ümumilikdə komandamızın oyun üslubuna uyğun gələn futbolçudur".
Qeyd edək ki, "Qarabağ" Ağabala Ramazanovla 1.5 illik müqavilə imzalayıb.
