"Reynaldonun transferində son mərhələyə gəldik. Onsuz da bu futbolçunu hamı tanıyır". Sportnet.az-ın məlumatına görə, bu fikirləri Türkiyənin "Adanaspor" klubunun baş məşqçisi Levent Şahin bildirib.
Türkiyəli mütəxəssis yerli mətbuata açıqlamasında "Qarabağ"ın braziliyalı hücumçusu Reynaldo Silvanın keçidini demək olar həll etdiklərini söyləyib: "Bu transferə görə prezidentimiz Bayram Akgülə də təşəkkür edirəm. O, inanılmaz əmək sərf etdi. Klub prezidenti ən xırda məsələlərdə bizi məlumatlandırdığı üçün nə cür problemlərin çıxdığını bilirik. İnşallah, xeyirlisi olar".
Xatırladaq ki, "Adanaspor" Supetr Liqanın növbəti - XIX turunda yanvarın 30-da evdə "Kasımpaşa" ilə qarşılaşacaq.
