"Qəbələ" klubu heyətini müdafiəçi ilə gücləndirib. Sportnet.az-ın klubun rəsmi saytına istinadən verdiyi məlumata görə, Rasim Ramaldanovla mövsümün sonunadək müqavilə imzalanıb.
31 yaşlı futbolçu karyerası ərzində "Simurq" (2008-2013), "Xəzər Lənkəran" (2013-2015) və "Sumqayıt"da (2016) çıxış edib. Gürcüstanda legioner həyatı yaşayan R.Ramaldanovun son klubu "Kolxeti" olub.
2012-ci ildə Azərbaycan milli komandasında debüt edən futbolçu əsas yığmada 17 oyun keçirib.
Qeyd edək ki, "Qəbələ" qış transfe pəncərəsində Araz Abdullayev ("Neftçi"), və Daniel Subotiçlə ("Şerif", Moldova) müqavilə imzalayıb.
