AFFA İntizam Komitəsi "Qəbələ"nin baş məşqçisi Roman Qriqorçuku yenidən cəzalandırıb. Sportnet.az-ın məlumatına görə, buna ukraynalı mütəxəssisin "Neftçi" ilə Azərbaycan Premyer Liqasının XVI tur matçında rəqib komandanın məşqçisi Aleksandr Deriberinlə mübahisəsi səbəb olub.
Oyunun 90+1-ci dəqiqəsində Qriqorçuk və Deriberin texniki zona qaydalarını pozublar. Hər iki məşqçi 1 oyun cəzalanıb. Ukraynalı mütəxəssis bu halı ikinci dəfə təkrarlandığı üçün "Qəbələ" 1600 manat ziayana düşüb, "Neftçi” isə 800 manat cərimə olunub.
Anoloji hadisə yenidən təkrarlanacağı təqdirdə klublara daha ağır sanksiya tətbiq olunacaq.
