Topaz Premyer Liqasının IX turu çərçivəsində Gəncə şəhər stadionunda "Neftçi"ni qəbul edəcək "Kəpəz" ötən gün Nizami yurduna gəlib.
Sportnet.az-ın məlumatına görə, komanda oyun öncəsi son məşqini matçın reallaşacağı arenada keçirib. Bu, "sarı-göylər"in yenilənmiş meydançada ilk məşqi olub. Təxminən 50 dəqiqə davam edən hazırlıq prosesi yüngül xarakter daşıyıb. Məşqçilər korpusu futbolçuları çox da yormayaraq son tapşırıqlarını verib.
Tarixi derbidə Şəhriyar Əliyev cəzalı, Samba Diallo və İlkin Sadıqov isə zədəli olduğu üçün iştirak edə bilməyəcək.
Qeyd edək ki, oyun bu gün saat 15:00-da başlanacaq.
