Topaz Premyer Liqasının 17-ci turu çərçivəsində "Neftçi” ilə qarşılaşacaq "Zirə” hazırlıqlarını Bakı Olimpiya Stadionunda davam etdirir.
Sportnet.az-ın məlumatına görə, komanda bugünkü çalışmalarında qonaqları olub. Belə ki, "Autizmlilərin İdman Klubu İctimai Birliyi”nin üzvləri komandanın düşərgəsinə baş çəkiblər. Autizm sindromundan əziyyət çəkən uşaqlar futbolçularla məşq edib, daha sonra baş məşqçi Ayxan Abbasov oyunçulara sözügedən sindirom haqda danışıb.
Qeyd edək ki, indi dünyada hər 68 uşaqdan biri autizmli doğulur.Azərbaycanda da bu sindiromdan əziyyət çəkən usaq və gənclərin sayı kifayət qədərdi. Autizmin dünyada nədən qaynaqlandığı bəlli olmadığı üçün bu gün onun tibb sahəsində heç bir müalicə üsulu yoxdu. Reabilitasiya yolu isə ancaq idmandan kecir.
