Bu gün Topaz Premyer Liqasında ilk turun daha 2 oyunu keçiriləcək.
Sportnet.az-ın məlumatına görə, əvvəlcə "Qəbələ" doğma meydanda "Səbail"i sınağa çəkəcək. Bu komandalar indiyədək 4 dəfə qarşılaşıblar. İki matçda "Qəbələ", bir oyunda "Səbail" meydanı qalib tərk edib. Bir qarşılaşma isə bərabərliklə bitib. Topların fərqində də əyalət təmsilçisi öndədir - 8:5.
Yay fasiləsində bir çox aparıcı futbolçusunu itirən "Qəbələ"dən fərqli olaraq, "Səbail" xeyli futbolçu ilə güclənib. Aftandil Hacıyevin baş məşqçi olduğu kollektiv artıq çempionatın iddialılarından sayılır.
İlk turun son matçında debütant "Sabah" səfərdə "Keşlə" ilə münasibətlərə aydınlıq gətirəcək. Bu görüş "Sabah"ın Premyer Liqada ilk oyunu olacaq.
Qeyd edək ki, turun açılış oyununda "Neftçi" səfərdə "Sumqayıt"ı 2:0 hesabı ilə yenib. "Qarabağ" - "Zirə" matçı isə Ağdam təmsilçisinin Çempionlar Liqasındakı çıxışı səbəbindən sentyabrın 26-na keçirilib.
Topaz Premyer Liqası
I tur
12 avqust (bazar)
19:00. "Qəbələ” – "Səbail” - 3:0
Qollar: Asif Məmmədov, 21. Ürfan Abbasov, 63. Ceyms Adeniyi, 81
Hakimlər: Əliyar Ağayev, Rza Məmmədov, Zeynal Zeynalov, Orxan Məmmədov
AFFA nümayəndəsi: Şaiq Həmidov
Hakim-inspektor: Əhmədağa Cabbarov
Qəbələ şəhər stadionu
21:00. "Keşlə” – "Sabah” - 0:1
Qol: Marko Deviç, 45+2 (penalti ilə)
Hakimlər: Rəhim Həsənov, Nahid Əliyev, İsgəndər Əliyev, Ramil Diniyev
AFFA nümayəndəsi: Ramiz Abdullayev
Hakim-inspektor: Fazil Mürşüdov
Bakı, "ASK Arena”
11 avqust (şənbə)
20:00. "Sumqayıt” – "Neftçi” - 0:2
Qollar: Mirabdulla Abbasov, 27. Emin Mahmudov, 72
Qırmızı vərəqə: Vurğun Hüseynov, 67 ("Sumqayıt")
Hakimlər: Rauf Cabbarov, Mübariz Haşımov, Rahil Ramazanov, İnqilab Məmmədov
AFFA nümayəndəsi: Məmmədəli Məmmədov
Hakim-inspektor: Xaqani Məmmədov
Bakı, "Dalğa Arena”.
