Fransanın "Lion" komandasının futbolçusu Mariano Dias İspaniya "Real Madrid"inə transfer olunub.
Sportnet.az-ın "kral klubu"nun rəsmi saytına istinadən verdiyi məlumata görə, 25 yaşlı hücumçu ilə 5 illik müqavilə bağlanılacaq. Dominikanlı forvardın rəsmi təqdimat mərasimi avqustun 31-də təşkil olunacaq. Diasın xidmətlərində "Sevilya" da maraqlı idi. Lakin "Real Madrid" onu geri qaytarmaq hüququndan yararlanıblar.
Qeyd edək ki, Mariano Dias kral klubu"nun yetirməsidir. O, əvvəllər "Real Madrid"in heyətində 14 oyuna 5 qol vurub. "Lion"da isə Dias ötən mövsüm Fransa çempionatında 18 qol və 4 məhsuldar ötürmə müəllifi olub. Lakin dominikanlı hücumçu cari mövsümdə məhsuldarlığı ilə yadda qalmayıb.
