Bu mövsüm uğurlu çıxışını davam etdirən "Neftçi” klubu 5 oyundan sonra 13 xalla turnir cədvəlində liderliyi bölüşür.
Sportnet.az xəbər verir ki, komanda senytabrın 29-da Topaz Premyer Liqasının 6-cı turunda "Səbail”i qəbul edəcək. "Bakcell Arena”da keçiriləcək oyun saat 18:55-də start götürəcək.
"Neftçi" 2016-cı ildə yaradılmış klub ilə indiyədək 4 çempionat oyununda üz-üzə gəlib. Bunların da hamısı ötən mövsümə təsadüf edib. Bu görüşlərdən 3-də qələbə qazanıb, 1-də isə məğlub olub. Top fərqində də "Neftçi"nin böyük üstünlüyü var – 9:2.
"Səbail”lə ev oyunlarının hər ikisi "Neftçi”nin qələbəsi ilə nəticələnib. "Bakcell Arena”da 2:0 hesabı ilə başa çatmış görüşdə İqnasio Errera dubla imza atmışdısa, "Dalğa Arena”dakı 3:1 hesablı qələbədə Namik Ələskərov, Rəhman Hacıyev və Lukas Qomez fərqlənmişdi.
