Topaz Premyer Liqasının VI turunda "Qəbələ" tarixində 46-cı dəfə "Keşlə" ilə üz-üzə gələcək.
Sportnet.az xəbər verir ki, görüş sentyabrın 30-da Qəbələ şəhər stadionunda keçiriləcək. İlk dəfə 2006/2007 mövsümündə görüşən rəqiblər indiyədək 45 dəfə üz-üzə gəliblər. Bu oyunlarda "Qəbələ” 14 qələbə qazanıb, 15 heç-heçə edib və 16 matçdan məğlub ayrılıb. Paytaxt klubu 58, "qırmızı-qaralar” 47 qol sevinci yaşayıb. "Qəbələ”nin ən məhsuldar oyunçusu Daniel Subotiç olub. O, 5 dəfə fərqlənib.
İndiyəqədərki 45 matçdan 40-ı çempionat, 5-i kubok çərçivəsində baş tutub. Premyer Liqada 11 qələbəsi olan "qırmızı-qaralar” 15 heç-heçə edib və 14 dəfə uduzub. 40 dəfə rəqib qapısına yol tapan komanda 51 qol buraxıb.
23-cü dəfə "Keşlə”ni qonaq edəcək "Qəbələ” evdəki 22 matçdan 8 qələbə, 9 heç-heçə və 5 məğlubiyyətlə ayrılıb. Öz meydanında 26 top vuran "qırmızı-qaralar" 21 qol buraxıb.
