Azərbaycanın "Uğur” komandası UEFA Region Kubokunda ikinci oyununu keçirib.
Sportnet.az xəbər verir ki, qitə miqyaslı yarışa AFFA-nın təşkil etdiyi Region Liqasının qalibi kimi qatılan Sumqayıt təmsilçisi qrup mərhələsinin II turunda İspaniyanın "Kastilya-i-Leon” komandasına uduzub – 0:2.
Qeyd edək ki, VI qrupda yer alan "Uğur” ilk turda Ukraynanın "Lvov Region” kollektivinə 0:4 hesabı ilə məğlub olub. Sumqayıtlılar oktyabrın 8-də sonuncu tur çərçivəsində Finlandiyanın "Qərb Rayon Komandası" ilə üz-üzə gələcək. Bu qrupun oyunları Lvovda keçirilir.
